Құрметті әріптестер мен студенттер! Баршаларыңызды университетіміздің ҚР Білім және ғылым министрлігі Ұлттық аккредиттеу орталығы ұйымдастырған институционалдық аккредиттеу процесінен сәтті өтіп, 5 жыл мерізімге куәлік алуымен шын жүректен ҚҰТТЫҚТАЙМЫЗ!

1928 жылы 1 қазанда Қазақ мемлекеттік университеті атты алғашқы қазақ жоғары оқу орны ашылды. Бұл білім ордасында физика-математика, жаратылсытану және лингвистика-педагогикалық бөлімдерден құралған жалғыз ғана факультет бар еді. Алғашқы кезде мұнда үш факультет: педагогикалық, ауылшаруашылық және медициналық факультеттерін құру жобаланды, олар 1932-1933 оқу жылында жұмыс істеуге кірісуі тиіс болатын. Алайда халыққа білім беруді қарқынды түрде өркендету мақсатымен жаңадан ашылған жоғары оқу орнын дербес педагогикалық институт ретінде қалыптастырып, дамыту қажет болды. Сондықтан 1930 ж. университет Қазақ мемлекеттік педагогикалық институты деп атала бастады да, 1935 ж. оған ұлы ақын Абайдың аты берілді.