қазақша · русский · english
   
  Негізгі бет / БАҚ біз туралы
22.01.2021

Абай атындағы ҚазҰПУ-да директорлар кеңесінің мәжілісі өтті

 


 

«Абай атындағы Қазақ ұлттық педагогикалық университеті» коммерциялық емес акционерлік қоғамы Директорлар кеңесінің Төрағасы қызметіне белгілі мемлекет және қоғам қайраткері Исимбаева Гульмира Истайбекқызы сайланды.

 

Исимбаева Гульмира Истайбекқызы төртінші және бесінші шақырылған Қазақстан Республикасы Парламент Мәжілісінің депутаты, алтыншы шақырылған Парламент Мәжілісі Төрағасының орынбасары, көптеген жылдар Алматы қаласының білім басқармасының бастығы болып істеген.

 

Қазақстан Республикасының Білім және ғылым министрі Асхат Аймағамбетов «Абай атындағы Қазақ ұлттық педагогикалық университеті» Ректорат жиналысында Гульмира Истайбекқызы Исимбаеваны Директорлар кеңесінің Төрағасы ретінде министрлік тарапынан ұсынысты қабылдағаны үшін рақметін айта отырып, Директорлар кеңесінің Төрағасы ретінде сайланғанымен құттықтады және оның заң шығармашылық саласындағы, тікелей ҚР «Білім туралы», «Педагог мәртебесі туралы» заңдарын талқылау және оның қабылдау кезінде зор үлесін қосқаны туралы ерекше атап өтті.

 

Өз сөзінде Гульмира Истайбекқызы: «15 қаңтарда Мемлекет басшысы Қасым-Жомарт Тоқаев VII сайланған Парламенттің бірінші сессиясының ашылуында сөйлеген сөзіндегі жеті басымдықтың бірі ретінде Елбасы бастаған адами капиталды дамыту екендігін атап өтті. Сонымен қатар, өнірлер арасында, әлеуметтік топтар арасында білім сапасының алшақтығын жою жөнінде нақты тапсырмаларды берді. Ол тапсырмаларды орындау, әсірессе, білікті мұғалім дайындау мәселесіне тікелей қатысты. Сондықтан Директорлар кеңесі университет ұжымымен бірлесе отырып, Елбасы Назарбаевтың, Мемлекет басшысы Тоқаевтың тапсырмаларын орындауда, университеттің әрі қарай дамуына өз үлесін қосады деп сенемін», - деді.

 

22.01.2021 ж.

Ақпарат көзі: qazaq1913.com