қазақша · русский · english
   
  Негізгі бет / БАҚ біз туралы
16.08.2021

«Педагогикалық білім беруді жаңғырту» сессиясы

саланың ең өзекті мәселелерін талқылады

 


2021 жылдың 12 тамызында педагогтардың Тамыз конференциясы аясында Astana IT University алаңында «Педагогикалық білім беруді жаңғырту» панельдік сессиясы өтті. Шараға репортер ретінде Абай атындағы ҚазҰПУ ректоры Дархан Біләлов қатысты.

 

Панельдік сессияға сонымен қатар Қазақстан Республикасы Білім және ғылым министрлігінің өкілдері, жоғары оқу орындарының, білім басқармаларының, колледждер мен мектептердің басшылары, ғалымдары мен оқытушылары, білім беру саласындағы тәуелсіз сарапшылар қатысты. Модератор салыстырмалы, халықаралық және дамыту білімнің қауымдастырылған профессоры Сарфароз Ниезов (OISE, Торонто университеті, Канада) болды.

 

Сессия бағдарламасында спикерлер білім берудің өзекті мәселелерін талқылауға ерекше назар аударды: педагогтың кәсіби стандартын, оның заманауи талаптарға сәйкестігі мен орта білім мазмұнын жаңарту, мектеп мұғалімдерін, педагогикалық қызметкерлерді даярлаудың ұлттық моделін жаңарту, педагог мәртебесі, жас мұғалімдердің біліктілігін арттыру, оқыту сапасы мен әдісі, мектеппен байланысты нығайту, ұлттық білім беру жүйесінің имиджі, мектептерде психологиялық қызметтерді құру, үш тілде білім беру.

 

Ректор Дархан Біләлов өз сөзінде педагогикалық білім беруді жаңғыртудың өзекті мәселелері талқыланған конференцияның маңыздылығын және оның нәтижелілігін атап өтті. Дархан Біләлов оқыту мен академиялық бағдарламалар басталғанға дейін педагогтердің кәсіби бейінін қалыптастырудың, кәсіби оқытумен өзара байланыстың, эмоционалды интеллект пен ата-ана қамқорлығының, мектеп мұғалімдерінің кәсіби өсуі үшін ынталандырудың маңыздылығына тоқталды.

 

Диалог пен пікірталас алаңында білім беру сарапшыларына педагогикалық білім берудің заманауи практикаларында кәсіби тәжірибе алмасу мүмкіндігі берілді.

 

Педагогикалық білім беру жүйесін дамытудың маңызды аспектілерін талқылай отырып, секция қатысушылары сапалы білім беруді, өңірлік және жаһандық кеңістікте кең және икемді өзара іс-қимыл жасау қабілетін қалыптастыруға бағытталған одан арғы басымдықтарды айқындады.

 

 

16.08.202 ж.

Ақпарат көзі: aikyn.kz