Химия кафедрасында «Химия көшбасшысы» атты пәндік сайыс өтті

2025 жылдың 15 қараша күні Жаратылыстану және география факультетінің Химия кафедрасында «Химия көшбасшысы» атты пәндік сайыс өтті. Сайысқа химия мамандығында білім алатын 1 курс студенттері қатысып, өздерінің теориялық білімін, зерттеушілік қабілеттерін және кәсіби құзыреттіліктерін көрсетуге мүмкіндік алды.

Іс-шараның басты мақсаты – студенттердің химия пәніне деген қызығушылығын арттыру, болашақ химия мұғалімдерінің кәсіби ойлауын дамыту, заманауи әдіс-тәсілдерді тиімді қолдануға дағдыландыру және күрделі жағдайларда дұрыс шешім қабылдай алатын білікті маман қалыптастыру болды.

Сайыс 3 кезеңнен тұрды:

• I кезең – “Поле чудес”: қатысушылар бейорганикалық химия бойынша теориялық сұрақтарға жауап беріп, білімдерінің тереңдігін көрсетті.

• II кезең – “Контексттік тапсырмалар”: студенттерге берілген нақты жағдаяттарға сәйкес реакция теңдеулерін жазу және сұрақтарға жауап беру міндеттелді.

• III кезең – “Эксперименттік сынақ”: тақтада көрсетілген зертханалық жұмыс барысына сүйене отырып, қатысушылар практикалық тапсырмаларды орындады.

«Химия көшбасшысы» сайысы студенттерге өз білімдерін тәжірибе арқылы бекітіп, кәсіби біліктілігін арттыруға мүмкіндік берді. Сонымен қатар, іс-шара химияны оқытудың инновациялық әдістерінің маңыздылығын көрсетіп, болашақ педагогтер үшін маңызды тәжірибе алаңына айналды.