қазақша · русский · english
   
  Негізгі бет / Хабарландыру
19.05.2020

Университет қызметкерлерінің балалары арасында «Абай үміті» шығармашылық конкурсы


Абай атындағы ҚазҰПУ қызметкерлерінің жергілікті кәсіптік одағы ұйымының қолдауымен ұлы Абайдың 175 жылдығы аясында университет қызметкерлері мен профессор-оқытушылары құрамының балаларына арналған мәнерлеп оқу дағдыларын меңгерген балалары үшін «Абай үміті» шығармашылық конкурсы өткізіледі.


Мақсат - жас ұрпақты ұлы ақын мен ойшылдың өмірі мен шығармашылығымен таныстыру, жалпы қазақ әдебиеті мен поэзиясына баулу.


Жарыс онлайн-түрінде өткізіледі. Балалар Абайдың өлеңдерін мәнерлеп оқудан 1-3 минуттық бейнеролик түсіріп, бізге жібереді. Бейнені конкурсқа қатысушының шеберлігіне, пайымдауына және өзі таңдаған шығармаларына байланысты әр түрлі тақырыптарға түсіруге болады.


Ұсынылған жұмыстар қатысушылардың жасына байланысты қарастырылады:

- мектеп жасына дейін;
- бастауыш сынып оқушылары;
- орта (5-7) сынып оқушылары.

Конкурсқа жіберілген туындылар 2020 жылдың 20-28 мамыр аралығында қабылданады. Конкурс қатысушыларының жұмысын бағалау және жеңімпаздар мен жүлдегерлерді анықтауға қазылар алқасы құрылады. Конкурс нәтижесі 1 маусымда университеттің әлеуметтік желілерінде хабарланады.


Бейнероликтер Instagram парақшасы мен фейсбук желісінде, университет сайтында жарияланады.


Бейнероликпен бірге - баланың аты-тегі, туу туралы куәлігі, жасы, сыныбы, ата-анасының жұмыс орнын жазып, арнайы ұйымдастырушылардың WhatsApp нөмеріне жолдаулары қажет. Әр буын қатысушыларының турына жүлделі орындар қарастырылады.


Байқау жеңімпаздары университет ректорының арнайы дипломы және бағалы сыйлықтарымен марапатталады.



118

Кері оралу

 
 
 
 
Besucherzahler
 
Besucherzahler