Туристік инфрақұрылымды жақсартуды мемлекеттік қолдау және ынталандыру

2023 жылғы 4 сәуірде Абай атындағы ҚазҰПУ-дың Жаратылыстану және география институтында «Ғылым онкүндігі-2023» аясында Әл-Фараби атындағы ҚазҰУ-дың «Рекреациялық география және туризм» кафедрасының доценті, география ғылымдарының кандидаты Шолпан Абдреева «Туристік инфрақұрылымды жақсартуды мемлекеттік қолдау және ынталандыру шаралары» тақырыбында шеберлік сабағын өткізіп, өзекті мәселелерді талқылады. Іс-шараға «Туризм» және «Мейрамхана ісі және қонақ үй бизнесі» мамандықтарының 3 курс студенттері қатысып, мамандықтары бойынша құнды мәлімет алды.