«Білім беру үдерісін оңтайландыру: Сингапур тәжірибесі» шеберлік сағаты

Абай атындағы Қазақ ұлттық педагогикалық университеті Жаратылыстану және география факультетінде 2025 жылдың 15 сәуірінде мектеппен байланыс аясында географиядан мамандар даярлау мамандығы бойынша білім алушыларға география-тарих пәні мұғалімі Жекен Ақжол «Білім беру үдерісін оңтайландыру: Сингапур тәжірибесі» атты шеберлік сағатын өткізді.

Болашақ педагог мамандардың сапасын арттыру мақсатында ұйымдастырылған шеберлік сағатында Жекен Ақжол білім алушыларды Сингапур тәжірибесімен таныстырып, білім берудегі инновациялық әдістер мен технологиялар туралы 7М01515-География және 8D01515-География білім беру бағдарламаларының білім алушыларымен және кафедраның профессор- оқытушыларымен ой бөлісті.

Шеберлік сағатын ұйымдастырушылар п.ғ.к., профессор Карбаева Шолпан Шайкеновна және Жаратылыстану және география факультетінің ОӘБ жетекшісі Бейкитова Альбина Нұрахмятовна осындай шеберлік сағаты білім беру саласындағы жаңа әдіс-тәсілдерді енгізу мен жетілдіру мақсатында практикалық семинарлар мен тренингтер өткізу арқылы ары қарай жалғасын табатынын атап өтті.