«Органикалық лабиринт: Философия тасы» тематикалық конкурсы

2024 жылдың 8 қарашасында Абай атындағы ҚазҰПУ Жаратылыстану және география факультетінің «Химия» мамандығы бойынша оқитын 3-ші курс студенттері арасында «Органикалық лабиринт: Философия тасы» тақырыбында тематикалық конкурс өткізілді.
 
Тематикалық конкурстың мақсаты - студенттердің шығармашылық ойлауын ынталандыруға және философиялық ұғымдарды терең түсінуге бағытталған. Қатысушылар пәнаралық тәсілді қолдана отырып, табиғатқа, қоғамға және өзін-өзі тануға қатысты маңызды идеяларды зерттеуге және түсіндіруге мүмкіндік алады. Конкурс сонымен қатар сыни талдау, топтық жұмыс және идеяларды ұсыну дағдыларын дамытуға ықпал етеді. Сайысымыздың алғы сөзі факультет деканының тәрбие ісі жөніндегі орынбасары Серік Бакировке берілді. 3-ші курс білім алушылары арасында өткен сайысты ұйымдастырушылар 2-ші курс магистранттары және химия кафедрасының аға оқытушысы, PhD Асем Узакова.