«Ғылымға жол» атты кездесу

2025 жылдың 14 сәуірінде Абай атындағы ҚазҰПУ-нің Химия кафедрасында 1-курс докторанттарының эдвайзері, Жас зерттеушілер құрамының мүшесі PhD, аға оқытушы Асем Узакованың ұйымдастыруымен химия ғылымының академигі және профессорларымен «Ғылымға жол» атты кездесу өтті.

Кездесудің арнайы шақырылған қонақтары - Абай атындағы ҚазҰПУ-нің Химия кафедрасының профессоры, академик Жеңіс Шоқыбаев және Әл-Фараби атындағы ҚазҰУ-нің профессоры Ердоc Оңғарбаев. Алғы сөз Химия кафедрасының меңгерушісі, қауым.профессор Жазира Мукатаеваға берілді. Іс-шара барысында білім алушылар еліміздің ғылымына елеулі үлес қосқан беделді ғалымдардың өмір жолы мен тұлғалық ұстанымын, профессорлыққа жетелеген арман-мақсаттарымен танысып, кездесу ашық сұқбат, сұрақ-жауап форматында өрбіді.

Бұл кездесу - ғылымға бет бұрған жастар мен тәжірибелі мамандардың арасындағы алтын көпір іспеттес болды. Шара соңында спикерлеріміз жас буынға адал еңбек етіп, ғылым жолында табандылық танытуға тілектерін білдірді.

«Ғылымға жол» - болашақ ғалымдарды анталандыратын, бағыт беретін жарқын бастама!