ҒЫЛЫМИ-ӘДІСТЕМЕЛІК СЕМИНАР ӨТТІ

2025 жылдың 7 сәуірінде Абай атындағы Қазақ ұлттық педагогикалық университетінің Жаратылыстану және география факультеті, Химия кафедрасында оқу-әдістемелік және ғылыми үдерісті қамтамасыз ету мәселелеріне арналған жоспарлы ғылыми семинар өткізілді.

Семинар барысында силлабустардың құрылымы мен олардың білім беру бағдарламаларының мақсаттары мен міндеттеріне сәйкестігі жан-жақты талданды. Пәндердің мазмұнын жетілдіру және оқу курстарының тақырыптарын жаңарту жөнінде ұсыныстар қарастырылды. Сонымен қатар силлабустардың оқу жоспарларымен және білім беру бағдарламаларын дамытудың стратегиялық бағыттарымен үйлесімділігіне, олардың әдістемелік және практикалық мазмұнына ерекше назар аударылды.

Семинарда кафедра оқытушыларының ғылыми-әдістемелік әзірлемелерінің нәтижелері талқыланып, оқу және ғылыми материалдарды дайындау мен жариялау жоспарлары қаралды, сондай-ақ ғылыми-зерттеу жұмысының тиімділігін арттыруға бағытталған шаралар айқындалды. Қатысушылар білім беру бағдарламаларын жетілдірудің перспективаларын белгіледі, оқу үдерісі мен ғылыми зерттеулердің байланысын нығайту мәселелеріне тоқталды және кафедралық жұмысты жоспарлау мен ұйымдастыруды жетілдіру жөнінде ұсыныстар енгізді.

Семинардың қорытындысы бойынша силлабустардың құрылымы мен мазмұнын жетілдіруге, білім беру бағдарламаларының сапасын арттыруға, ғылыми-әдістемелік базаны күшейтуге және кафедраның ғылыми-зерттеу қызметін одан әрі дамытуға бағытталған шешімдер қабылданды.