Сыбайлас жемқорлық және адалдық кодексі туралы ақпараттандыру

2022 жылдың 5 қазанында Абай атындағы Қазақ ұлттық педагогикалық университетінің Парасат орталығының директоры Қамбар Усипов Жаратылыстану және география инстититутының білім алушыларына «Сыбайлас жемқорлыққа қарсы ескертпе және Адалдық кодексі» тақырыбында жиын өткізді.

Жиын барысында Қамбар Усипов көптеген мәселелерге тоқталды әсіресе сыбайлас жемқорлыққа қарсы комплаенс қызметінің мәнін түсіндірді. Университет қабырғасындағы сыбайлас жемқорлыққа қарсы іс-қимыл және академиялық адалдық қағидаттарын сақтауға бағытталған іс-шараларға тоқталды. Университеттің кешенді жоспарына сәйкес жүргізілетін сыбайлас жемқорлыққа қарсы іс-қимыл Кеңесінің құзіреттері туралы баяндалды. Сонымен қатар «Сыбайлас жемқорлыққа қарсы іс-қимыл саясатының» ұсынып отырған жаңа жүйесі бар екендігін айтты. Ол жүйе бойынша студенттер қандай да бір туындаған мәселесін университеттің ғимараттары мен жатақханаларына ілінетін QR - кодтар арқылы шығатын сілтемеге жазуға болатындығын жеткізді. Студенттер сыбайлас жемқорлыққа қарсы ескертпелермен танысып өздерінің ойларындағы сұрақтардың жауабын алды.