«Ашық есік күні»

Абай атындағы ҚазҰПУ-де Талдықорған қаласының «Innoverse high school» мектебінің бітіруші түлектеріне арналған «Ашық есік күні» өтті. Аталған іс-шара ұйымдастырушылары: жаратылыстану және география институты директорының тәрбие ісі жөніндегі орынбасары Серік Бәкіров, кәсіби бағдар-бағдар беруге жауаптылар Жанар Жақсибаева, Еңлік Хорғасбай.

Кездесуде институт мамандықтары туралы толық ақпарат ұсынылды, мектеп түлектерін қызықтыратын мәселелер талқыланды. Оқушылар Абай университетінің мұражайымен танысты, институттардың оқу-зертханаларына экскурсия жүргізілді. Химия кафедрасында демонстрациялық қызықты химиялық тәжірибелер көрсетілді. Бұл келушілердің үлкен таңданысын тудырды.