Өнер факультеті студенттерінің спорттағы жетістігі

2025 жылдың 09 қаңтарында Абай атындағы ҚазҰПУ Әлеуметтік және жастар саясаты жөніндегі департаментінің ұйымдастыруымен шет елден келген студенттер арасында спорттық жарыс өтті. Тартысты, қызыққа толы іс-шарада Өнер факультетінің студенттері өз шеберліктерін көрсетіп, нәтижесінде 3-орынды жеңіп алды. Спартакиада бағдарламасы: арқан тартыс, шахмат, үстел тенисі, волейбол сынды спорт түрлерін қамтыды.

Жарысқа қатысушылардың белсенділігі және команда бірлігі бәрін таңқалдырды. Бұл жеңіс - факультет студенттерінің спорттағы, сонымен қатар олардың өзара ынтымақтастығы мен жауапкершілігінен туындаған жетістігі. Спартакиада студенттердің денсаулығы мен достығын нығайтуға үлкен үлес қосты.