Педагог, ғалым, музыкант, «Айгүл» ансамблін ұйымдастырушы  М. Х. Балтабаев атындағы аудиторияның ашылуы

2019 жылдың 25 қазанында Абай атындағы Қазақ ұлттық педагогикалық университетінің Өнер, мәдениет және спорт институтының музыкалық білім және хореография кафедрасында педагогика ғылымдарының докторы, профессор Марат Хамитұлы Балтабаев атындағы аудиторияның салтанатты ашылуы өтті.Бұл іс-шара музыка және педагогика факультетінің 1994 жылғы түлектерінің күштерімен ұйымдастырылды.Марат Хамитұлының жұбайы - Екатерина Козыбайқызы Балтабаева, қызы Айгүл және туысқандары қатысты. М.Х. Балтабаевтың әріптестері қоғам қайраткері, мәдениеттанушы, филология ғылымдарының кандидаты Мұрат Әуезов, мәдениеттанушы, тарих ғылымдарының докторы Марат Сембі, психология ғылымдарының докторы, профессор Жамиля Намазбаева, «Айгүл» вокалды-аспаптық ансамблінің солисті, педагогика ғылымдарының докторы Меңсулу Жексембекова, доцент Әлия Өмірзақова және басқалар сөз сөйледі.

Марат Хамитұлының музыкалық-педагогикалық факультеттің басшылығы мен ұйымдастырылуына қосқан үлесі өте зор.1989 жылы ПМНО кезінде болған «Музыка» кафедрасы факультет болып қайта құрылды. Оның алғашқы жетекшісі Балтабаев Марат Хамитұлы болды. Үш бөлім ашылды, олар қазақ, орыс және ұйғыр тілдерінде мамандар даярлады. Бастауышта оқытушылар А.А. Манаспаева, Т.Қышқашбаев, Н.А. және М.В. Быковских, А.И. Умурзакова, В.А. Лагодин және т.б.

Абай атындағы ҚазҰПУ-дың Математика, физика және информатика институтының акт залында түлектердің өз күштерімен концерт берілді. «Ұстазға тағзым» атты деректі фильмі көрсетілді. Концертке әр жылдардағы түлектер - Рамазан Стамғазиев, Медеу Арынбаев, «Қоңыр» фольклорлық-этнографиялық ансамблінің әншісі Мархаббат Мықтыбеков, сонымен қатар факультеттің түлегі Гүлбахрам Ибрагимова бастаған жас бишілер тобы және т.б. қатысты.