Ғылыми жұмыс жазу дағдылары

2021 жылдың 13 сәуірінде Тарих және құқық институтында «Ғылым онкүндігі-2021» аясында «Саясаттану және әлеуметтік-филососфиялық пәндер» кафедрасы студенттерге, магистранттарға, PhD докторанттарға, жалпы көпшілкке арналған «Ғылыми жұмыс жазу дағдылары туралы» вебинар өткізді. Шараға бакалавриат студенттері, магистранттар, докторанттар, кафедра оқытушылары қатысты. Вебинарда профессор Берік Аташ жалпы ғылыми жұмыс жазудағы негізгі мәселелер, ғылыми жұмыстың тақырыбын таңдау, құрылымын құру, ғылыми тілді пайдалану, әдіснамасында басшылыққа алатын талаптар, принциптерге қатысты мазмұнды, қарапайым тілде түсіндіріп берді.

Кафедараның аға оқытушысы Айсұлу Хайрулдаева магистранттар мен докторанттарға ҚР БҒМ тарапынан магистрлік және докторлық диссертацияларды қорғаудың соңғы талаптары, мақалалар жарияланымындағы өзгерістер бойынша қысқаша таныстырып өтті.

Вебинар қатысушылардың қызығушылығын тудырып, сұрақтар қойылды.