«Желтоқсан -тәуелсіздіктің ұлы рухы» мерекелік концерті

2021 жылдың 13 желтоқсанында Абай атындағы ҚазҰПУ Тарих және құқық  институтының ұйымдастыруымен Қазақстан Республикасы тәуелсіздігінің 30 жылдығына орай «Желтоқсан -тәуелсіздіктің ұлы рухы» тақырыбында концерттік шара өткізілді.

Іс-шараға  Зерттеу ісі жөніндегі проректор Ермек Бөрібаев, әлеуметтік даму жөніндегі проректор Шыңғыс Нұрланов, Саясаттану және әлеуметтік-философиялық пәндер кафедрасының меңгерушісі Жомарт Симтиков, желтоқсан оқиғасының қатысушылары Жүнісбай Нәбибулла, Зординова Назира, Асылбаева Бакытгуль және И.Нүсіпбаев атындағы мектеп интернат ұжымы оқушыларымен бірге қонақ ретінде қатысты.

 Концерттік шараның бастауы күмбірлеген күйменен ашылып, келген қонақтарға сөз берілді.

Концерттік бағдарлама барысында, студенттер сахналық қойылымдар қойып, жан-жақты өз өнерлерін көрсетіп, патриоттық әндерін шырқап, көркем арнауларын оқыды.