Әлеуметтанушылар күніне арналған интеллектуалдық турнир

2022 жылдың 15 қараша күні Тарих және құқық институты саясаттану және әлеуметтік-философиялық пәндер кафедрасының оқытушысы Қ.А. Кантаеваның ұйымдастыруымен «Философия-әлеуметтану» мамандығының 3-ші курс студенттері Әлеуметтанушылардың кәсіби мерекесіне орай интеллектуалдық турнир өткізді.

Турнир 3 кезеңнен тұрды: командалық жұмыс, көшбасшылық, жылдамдық пен зияткерлік сияқты дағдыларын дамытуға арналған тапсырмалар орындап, сұрақтарға жауап беру арқылы кәсіби білім саласы бойынша да білімдерін көрсете алды. Бұл типтегі шаралар студенттерге өз мамандығын басқа қырынан тануға, өз кәсіби қызметінің маңыздылығын түсінуге ықпалын тигізеді деп сенеміз.