XVI Республикалық пәндік олимпиада: Абай университетінің студенттері ІІ орын иеленді

2025 жылдың 24-25 сәуір аралығында академик Е.А. Бөкетов атындағы Қарағанды зерттеу университетінің тарих факультетінің базасында «6В01601 - Тарих» білім беру бағдарламасы бойынша XVI Республикалық пәндік студенттік олимпиада өтті.

Олимпиаданың негізгі мақсаты - жоғары білім беру ұйымдары студенттерінің оқу-танымдық және оқу-зерттеу қызметін ынталандыру, жастардың шығармашылық қабілеттерін дамыту, дарынды студенттер мен түлектерге академиялық немесе кәсіби мансабын жалғастыруға бағытталған қолайлы жағдайлар жасау.

Абай атындағы ҚазҰПУ студенттері - Ғазиз Нұрулла, Исламбек Балмағамбетов, Абат Қапанов, Нұрсұлтан Алимбетов (ғылыми жетекшілері: әлем тарихы кафедрасының аға оқытушылары Еңлік Нұрмұхан мен Руслан Сейтқазиев) Қазақстан бойынша 25 студенттік команданың ішінен жүлделі ІІ орынды иеленді.

Құттықтаймыз!