«Түспен және типографиямен жұмыс» тақырыбындағы шеберлік сабақ

Бүгін Алматы сән және қызмет көрсету саласы колледжінде «Түспен және типографиямен жұмыс» тақырыбында шеберлік сабақ өткізілді. Шараға колледждің жас шеберлері мен тәжірибелі ұстаздары қатысты.

Сабақты магистр, оқытушы Сұлтанғұбиев Айғали Насипқалиұлы жүргізді - ол дизайн және визуалды коммуникация саласының тәжірибелі маманы.

Шеберлік сабақ барысында қатысушылар компьютерлік графика бағытында логотип жасаудың негізгі кезеңдерімен, сонымен қатар дайын логотипті әртүрлі материалдарда және брендтік өнімдерде қолдану тәсілдерімен танысты.

Айғали Насипқалиұлы түстің маңыздылығына ерекше тоқталып, «Түс - дизайнды жандырады, ал шрифт - мәтінді өнер туындысына айналдырады» деген ойды ұсынды. Бұл қағида кез келген визуалды жобаның эмоционалдық әсерін күшейтудің кілті екенін атап өтті.

Шеберлік сабақ, қатысушыларға заманауи графикалық дизайнның ерекшеліктерін тәжірибе жүзінде меңгеруге мүмкіндік берді және олардың шығармашылық көзқарасын кеңейтті.