«Зайырлылық – мемлекеттің рухани тірегі» танымдық-тәрбиелік сабағы

2024 жылдың 29 сәуірінде Тарих және құқық институтының 5 жатақханасында «Руханият бастауы» клубының ұйымдастыруымен «Зайырлылық - мемлекеттің рухани тірегі» тақырыбында танымдық-тәрбиелік кездесу өткізілді. Іс-шарада Тарих және құқық институты саясаттану және әлеуметтік-философиялық пәндер кафедрасының аға оқытушысы, PhD Бақытжан Сапаров және клубтың жетекшісі Орынбеков Нұрлан мемлекеттің зайырлы құрылымын сақтаудың маңыздылығын түсіндіріп, деструктивті діни ағымдардың әсерінен қалай қорғауға болатынын айтып, экстремистік идеяларды тарату жауапкершілігі туралы ескертті. Сондай-ақ экстремистік идеяларды таратқаны үшін жауапкершілік туралы ескертті. Кездесу барысында студенттер өздеріне қажет ақпараттар мен сұрақтарына толық жауап алды.