1 курс студенттерінің университет кітапханасымен танысу шарасы

2024 жылдың 12 қыркүйегінде Абай атындағы ҚазҰПУ Тарих және құқық факультеті саясаттану және әлеуметтік-философиялық пәндер кафедрасының «6В02201-Философия», «6В03102-Мәдениеттану», «6В03103-Әлеуметтану», «6В03104 - Саясаттану», «6В02203-Дінтану-Саясат» мамандықтарына түскен 1 курс студенттерін «Кітапханамен таныстыру» іс-шарасы өткізілді.

Кітапхана қызметкерлері студенттерге кітапхана тәртібін түсіндіріп, оқу залы мен оқулықтарды алып оқу, электрондық сайттар базасымен таныстырды. Іс-шара барысында студенттер университет кітапханасының залдарын аралап көрді. Олар сондай-ақ, оқулықтарды жаздырып алу мен электрондық базалардан кітап жүктеу форматтарымен танысты.