«Бір шаңырақ астында» мерекелік іс-шарасы

2024 жылдың 14 желтоқсанында Тарих және құқық факультеті академик Т.С.Садықов атындағы жаңа және қазіргі замандағы Қазақстан тарихы кафедрасы және саясаттану және әлеуметтік-философиялық пәндер кафедрасы жанындағы «Қазақстан халқы Ассамблеясы» орталығының ұйымдастырумен мерекелік іс-шара өтті. Тәуелсіздік күніне арналған іс-шараға университеттің академик Т.С.Садықов атындағы жаңа және қазіргі замандағы Қазақстан тарихы кафедрасының меңгерушісі Мұратқазин Мұхтар, доцент, тарих ғылымдарының кандидаты  Ермұқанов Еркін, профессор, тарих ғылымдарының докторы Халидуллин Ғизат қатысты.

Мерекелік іс-шарада студенттік «Dostyk Live» ассамблеясының мүшелері, Филология факультетінің студенттері белсенді түрде қатысып, көпшілікті ана тілдерінде құттықтап, өзге ұлт өкілдерінің өнерін көрсетіп, көпшіліктің ықыласына бөленді. Осы мерекелік іс-шараға байланысты өткізілген «Тәуелсіздік - мәңгілік тұғырым» тақырыбында эссе конкурсының нәтижесі жарияланып, университет ректороның атынан мадақтамамен марапатталды.

Іс-шара соңында Қазақстан халқы Ассамблеясы орталығы қонақтарға алғыс айтып, мерекемен құттықтап, еңбектеріне мол табыс тіледі.