Жастар мәдениетіндегі діни құндылықтар

2025 жылдың 13 ақпанында Абай атындағы ҚазҰПУ Тарих және құқық факультеті саясаттану және әлеуметтік-философиялық пәндер кафедрасында «Руханият бастауы» клубының ұйымдастыруымен, бастысы толеранттылық сақтай отырып студенттер арасында «Діни құндылықтардың жастар мәдениетін қалыптастырудағы рөлі» атты іс-шара өткізілді.

Іс-шараның басты қонақтары - тарих ғылымдарының докторы, профессор, Алматы корей ұлттық орталығы төрағасының орынбасары Георгий Кан және Әбу Ханифа медресе колледжінің оқытушыларымен шәкірттері болды. Іс-шараны Тарих және құқық факультетінің деканы Ғабит Кенжебаев және саясаттану және әлеуметтік-философиялық пәндер кафедрасының меңгерушісі Жомарт Симтиков ашып берді.

Шара барысында дін және қоғамның, жастардың мәселелерін негізге ала отырып пікір алмасу өткізілді. Сондай-ақ діни және қоғамдық мәселелер көтерілді. Толеранттылық және зайырлы қоғам туралы айтылып, негіздері және себептері басшылыққа алынды. Оқытушылар мен студенттердің көзқарасы арқылы іс-шара толықтырылды және «Руханият бастауы» клубының жетекшісі Нұрлан Орынбеков сөз сөйлеп, іс-шараны қорытындылады.