Герольд Бельгердің 90 жылдығына арналған іс-шара

2024 жылдың 29 қазанында Алматы қаласының Неміс үйінде «Герольд Бельгердің шығармашылығы әлемдік әдеби контексте» тақырыбында Бельгер оқулары өтті. Бельгер оқулары офлайн және онлайн форматта ұйымдастырылды. Іс-шара Герольд Бельгердің 90 жылдығына арналып ұйымдастырылды.

Іс-шара барысында Абай атындағы ҚазҰПУ орыс тілі мен әдебиеті кафедрасының доценті Жанарка Ибраева баяндама жасады. Ол Герольд Бельгердің тілдер туралы терең білімін, көптілді жазушы ретіндегі бірегейлігін, сондай-ақ таңғажайып шығармаларды жазудағы шеберлігін атап өтті. Жанарка Ибраеваның айтуынша, еуразияшылдық идеясына енген Бельгер шығармашылығының басты ерекшелігі - нәзік тілдік сезім және көркем материалды әртүрлі халықтардың мәдени дәстүрлерімен байланыстыру қабілеті. Сондай-ақ жазушы өз шығармаларында әр түрлі тілдерде дәйексөздер, афоризмдер мен фразеологизмдерді жиі қолданған. Бұл оның шығармаларына жан-жақтылық пен тереңдік берген.

Сонымен қатар Герольд Бельгердің шығармалары бойынша зерттеу жүргізген «Филология» ммамандығының 1 курс магистранты Диана Каримова өз баяндамасын тыңдаушыларға ұсынды.