Академиялық ұтқырлық бағдарламасы бойынша Чехиялық студенттер Абай университетіне келді

Академиялық ұтқырлық бағдарламасы аясында Абай университетіне серіктес - Палац университетінен (Оломоуц қ., Чехия) төрт студент білім алуға келді: Maňáková Vendula, Barcalová Eliška, Marková Veronika және Košínek Tomáš. Олар орыс тілі мен әдебиеті кафедрасында 2024-2025 оқу жылының көктемгі семестрінде оқитын болады. Қазақстанның білім беру жүйесімен танысады және университеттің академиялық білім алу ортасына енеді.

Чехиядан келген студенттердің оқуы пайдалы академиялық кезең ғана емес, сонымен қатар мәдени алмасу және халықаралық ынтымақтастықты нығайту мүмкіндігі болатынына сенімдіміз!

Палац университеті тарапынан бағдарлама кураторы - Патрик Варга, философия докторы, философия факультетінің славистика кафедрасының оқытушысы.