«Ғылым-2025» онкүндігі аясында орыс тілі мен әдебиеті кафедрасында ашық сабақтар өтті

2025 жылғы 2 сәуірде Абай атындағы Қазақ ұлттық педагогикалық университетінде «Ғылым-2025» онкүндігі аясында Орыс тілі мен әдебиеті кафедрасы жоғары ғылыми-әдістемелік деңгейде екі ашық сабақ ұйымдастырды. Іс-шара оқытудың инновациялық әдістерін қолдану және тәжірибе алмасу мақсатында өткізілді.

Аталған күнгі алғашқы ашық сабақты педагогика ғылымдарының докторы, профессор Гүлмира Қажығалиева «Тілдерді оқытудың пікірталас әдістемесі» тақырыбында өткізді. Сабақ орыс тілі мен әдебиеті білім беру бағдарламасының 1 курс PhD докторанттарына арналды. Шараға кафедра оқытушылары мен кафедра меңгерушісі, филология ғылымдарының докторы, профессор Сәуле Әбішева қатысты.

Дәріс барысында профессор Гүлмира Қажығалиева докторанттардың университет студенттері мен оқытушылары арасында жүргізген сауалнама нәтижелерін пайдаланып, лингвистикалық білім беруде пікірталас әдісінің өзектілігін атап өтті. Сауалнама қорытындылары екі бейне форматта ұсынылды.

2025 жылғы 3 сәуірде кафедра доценті Рысжан Бекишева Тарих-география мамандығының студенттерімен орыс тілі пәнінен «Іскерлік қарым-қатынастың сөйлеу аспектілері. Іскерлік байланыстар және келіссөздер» тақырыбында ашық сабақ өткізді. Сабаққа кафедра меңгерушісі және басқа оқытушылар қатысты.

Оқытушылар бұл сабақтың жоғары ғылыми-әдістемелік деңгейде өткенін, оқыту кезеңдерінің нақты жоспарланғанын және білім алушылардың белсенділігін арттыруға ықпал еткен тиімді әдіс-тәсілдердің қолданылғанын атап өтті. Ашық сабақ шығармашылық және ынтымақтастыққа толы оқу атмосферасында өтті.

Аталған іс-шаралар кафедраның педагогикалық тәжірибе алмасу мен инновациялық оқыту тәсілдерін дамытуға бағытталған жүйелі жұмысының айқын көрінісі болды.