«Әдебиетті зерттеудің заманауи жолдары» халықаралық ғылыми конференциясына қатысу

2025 жылғы 16 мамырда филология ғылымдарының докторы, профессор, орыс тілі мен әдебиеті кафедрасының меңгерушісі Сауле Джунусовна Абишева және постдокторант Мадина Бауыржанқызы Молдағали Ресей Федерациясы, Смоленск қаласындағы Смоленск мемлекеттік университеті ұйымдастырған «Әдебиетті зерттеудің заманауи жолдары» атты халықаралық ғылыми онлайн конференцияға қатысты.

«Поэзия. Квантитативті филология» секциясы аясында олар «Поэтикалық колористиканы зерттеудегі цифрлық әдістер» атты бірлескен баяндаманы ұсынды. Баяндамада авторлар Т. Мадзигон шығармалары негізінде жасанды интеллект құралдарын, «Звукоцвет.ру» бағдарламасын және Literon© платформасындағы «Мәтіннің цифрлық портреті» бағдарламасын қолдану арқылы поэзиялық бейнелеудегі түстік компонентті цифрлық тәсілдермен талдау жолдарын қарастырды.

Баяндама 2024-2026 жылдарға арналған Қазақстан Республикасы Ғылым және жоғары білім министрлігі қаржыландыратын «Жас ғалым» ЖТН AP22685804 «Поэзияны зерттеуге арналған цифрлық платформаның интеграциялық әлеуеті» ғылыми жобасы аясында әзірленді.