ҚазҰПУ студенттері мен оқытушылары Шарын мен Көлсайға саяхат жасап қайтты

Абай атындағы Қазақ ұлттық педагогикалық университетінің Филология факультеті, Қытай тілі және қытайтану кафедрасының оқытушылары Арайлым Реава, Сымбат Мейрхан , Аяжан Елемес және аталмыш кафедраның белсенді студенттері Шарын шатқалы мен Көлсай көлдеріне танымдық-экологиялық бағыттағы саяхат жасап қайтты.

Іс-шараның мақсаты - студенттердің туған елдің табиғатына деген сүйіспеншілігін арттыру, қоршаған ортаны қорғау мәдениетін қалыптастыру, сонымен қатар ұжымішілік байланысты нығайту мен белсенді өмір салтын насихаттау.Сапар барысында қатысушылар еліміздің бірегей табиғи ескерткіштерінің бірі - Шарын шатқалының ерекше геологиялық құрылымымен және Көлсай көлдерінің таңғажайып табиғатымен танысты. Студенттер мен оқытушылар табиғат аясында серуендеп, қоршаған ортаның әсемдігіне тәнті болды. Сонымен қатар, саяхат кезінде экологиялық тәрбие мен табиғатты сақтау туралы пікір алмасу өтті.Саяхат қатысушыларға жағымды әсер қалдырып, жаңа оқу кезеңі алдында күш-қуат пен шабыт сыйлады. Мұндай іс-шаралар білім алушылардың тұлғалық және рухани дамуына, азаматтық жауапкершілігін арттыруға, сондай-ақ патриоттық сана-сезімін қалыптастыруға ықпал етеді.