«Форсайт - білім кеңістігінде» тренинг-семинар қорытындылары

2024 жылдың қазан-қараша айлары аралығында Абай атындағы ҚазҰПУ қабырғасында «Форсайт - білім кеңістігінде» тақырыбында тренинг-семинар өтті. Бұл іс-шара білім беру саласындағы болашақ трендтер мен жаһандық өзгерістерді талқылауға арналған бірегей алаң болды. Семинар оқытушыларды, ғалымдарды және студенттерді біріктіріп, білім берудің жаңа үлгілерін құруға арналған маңызды қадам ретінде есте қалды.

Семинар университет басшылығының қолдауымен өтті. Атап айтқанда, академиялық қызмет жөніндегі проректор Бану Нарбекова. Семинардың ашылу салтанатында Филология факультетінің деканы - Алуа Танжарықова, шетел тілдері кафедрасының меңгерушісі - Серік Иватов, шетел тілдері кафедрасының аға оқытушысы - Забира Ешимбетова, семинар модераторы, шетел тілдері кафедрасының оқытушысы - Гүлжайна Нұрбекова сөз сөйледі. Семинардың негізгі спикері - философия ғылымдарының кандидаты, БҰҰ мен ЮНИСЕФ бағдарламаларының тренері және Қазақстан Республикасы Президентінің жанындағы Мемлекеттік басқару академиясының кеңесшісі Елена Музыкина болды. 

Семинардың бағдарламасы лекциялар, тәжірибелік сабақтар және интерактивті модульдерден тұрды. Онда қаралған негізгі тақырыптар: Постәдеттік уақыт теориясы. Қатысушылар жаһандану мен цифрландыру білім беру жүйесіне қалай әсер ететінін талқылады; Форсайт әдістері. Болашақты модельдеу және білім беру траекторияларын құру стратегиялары қарастырылды; Жаһандық сын-қатерлерді талдау. Қазіргі білім беру саласындағы мәселелер мен оларды шешу жолдары зерттелді; Болашақ технологиялары. Инновациялық білім беру платформалары мен жасанды интеллекттің рөліне ерекше назар аударылды. Семинар барысында әрбір тақырып практикалық тапсырмалармен толықтырылды. Мысалы, «Болашақ кафедрасы» модулінде қатысушылар командамен бірге болашақ талаптарына сай жобаларды әзірледі.

Семинар қорытынды отырыспен аяқталды. «Білім берудегі форсайт» семинары білім беру саласындағы инновациялық тәсілдерді талқылауға арналған алаң ғана емес, сонымен қатар болашақ білім беру үлгілерін құру жолындағы маңызды қадам болды. Қатысушылар семинардан жаңа білім мен тәжірибелік құралдар алып, болашаққа шабыттанып шықты.