«Аяла» экоклубының белсенділерінің қалалық «Экоакция» жобасына еріктілер ретінде қатысты

2024 жылдың 08 желтоқсанында «Аяла» экоклубының белсенділері қалалық «Экоакция» жобасына еріктілер ретінде қатысты. Акция Алмалы ауданының жастар коммуналдық орталығында өтті. Мақсаты: экологиялық мәдениетті, қалдықтарды саналы түрде тұтыну мен сұрыптауды насихаттауға бағытталды.

Экоакцияға қазақ және орыс бөлімшелерінің 4 курс экологтары қатысты. Олар еріктілер ретінде алдын ала тіркелді, тиісті нұсқамадан өтті және №12 ТДМ іске асыру үшін өз қызметтерін орындады. Акция барысында көзге түскен белсенді студенттерге қоғамдық бірлестік өз алғысын білдірді.

Іс-шара аясында эко жәрмеңке өткізілді. Онда жергілікті кәсіпкерлер экологиялық таза тауарларды ұсынды. Сондай-ақ кітаптар алмасу және басқа да интерактивті іс-шаралар өтті.

Акция барысында «Аяла» экоклубының белсенділері орындаған міндеттер: Қонақтарға қоқысты сұрыптау бойынша нұсқаулық: қатысушыларға пластик, қағаз, шыны және органикалық заттардың әртүрлі таңбаларын қандай контейнерлерге салу керектігін түсіндіру; Сұрыптау жүргізілген алаңда тәртіпті сақтау (киім, аяқ киім, кітаптар, аксессуарлар, ыдыс-аяқ, электроника, дискілер, спорттық жабдықтар және т.б.); Туындаған мәселелерді жедел шешу үшін басқа еріктілермен өзара әрекеттесу.