Халықаралық «Қазақ тілі» қоғамы Алматы қалалық филиалының төрағасы болып Болат Тілеп тағайындалды

Болат Тілеп - Абай атындағы ҚазҰПУ-дың Басқарма төрағасы-ректоры. Мемлекеттік қызметтерде, білім саласында мол тәжірибесі бар білікті ұйымдастырушы.

Халықаралық «Қазақ тілі» қоғамының президенті Рауан Кенжеханұлы өз сөзінде: «Филиал жұмысын одан әрі жандандырып, ана тіліміздің дамуына зор үлес қосады деген сенімдемін», - деді. Ол сондай-ақ ұзақ жылдардан бері филиал қызметін басқарып келген Құсман Шалабаевқа тілімізді өркендету жолындағы атқарған жұмысына алғысын білдіріп, сәттілік тіледі.