Ұлы Жеңістің 80 жылдығына орай «Ардагерлер ерлігі жас ұрпақтың көзқарасымен» байқауы ұйымдастырылды

2025 жылдың 17 сәуірінде Абай атындағы ҚазҰПУ әлеуметтік және жастар саясаты жөніндегі департаментінің қолдауымен қауымдастырылған профессор Гүлбахира Ширинбаеваның жетекшілігімен «Мейірім» еріктілер клубының идеологиялық бағыты бойынша Алматы қаласының «ҰОС ардагерлері, тыл еңбеккерлері және соғыс балалары кеңесі» қоғамдық қорының ұйымдастырған «Жеңімпаздар балы-2025» жобасы аясында «Ардагерлер ерлігі жас ұрпақтың көзқарасымен» атты бейнеролик әзірлеу байқауының бірінші кезеңі аяқталды.

Байқауға «6В01801-Әлеуметтік педагогика», «6В01201-Мектепке дейінгі оқыту және тәрбиелеу», «6В03111-Практикалық психологты даярлау» мамандықтарында оқитын 1-2 курс ерікті студенттері қатысты.

Бейнеролик байқауының мақсаты - Отанымыздың тарихи өткені, жеңімпаз халықтың ерлігі туралы естеліктерді сақтау арқылы патриотизмге тәрбиелеу, шығармашылық өзін-өзі жүзеге асыру арқылы, Ұлы Отан соғысының қатысушылары мен тыл еңбеккерлеріне көңіл бөлу және құрмет көрсету. Байқау барысында еріктілер «Ұлы Отан соғысы ардагерлері, тыл еңбеккерлері және соғыс балалары кеңесі» қоғамдық қоры атынан азық-түлік себеттерін таратты, Алматы қаласы бойынша әр ауданда орналасқан 20 үйге барып, ардагерлерді құттықтап, жылы тілектерін айтты. Өз кезегінде ардагерлер еріктілерге көңіл бөлгені үшін ризашылықтарын білдіріп, соғыс және соғыстан кейінгі жылдар туралы естеліктерімен бөлісті, олардың жеке өміріндегі оқиғаларға ғана емес, сонымен бірге адамзат тарихындағы ең қанды соғыста жеңіске жеткен барлық адамдарға да тоқталды. Жоба аясында қатысушылар соғысты бейбіт уақытта туып-өскен жас ұрпақтың көзімен көруге тырысты. Олар майдандағы және соғыс жылдарындағы тылдағы ардагерлердің ерліктері туралы баяндайтын материалдарды зерттеді. Олар қаншалықты ащы болса да, қайғы мен ерлікке толы күрделі сұрақтарды қою арқылы соғыс туралы шындықты білді. Нәтижесінде олар ардагерлердің майдандағы, тылдағы ерліктері және соғыстан кейінгі бейбіт уақыттағы күнделікті өмірі туралы біздің тарихымыздың жаңа беттерін ашты.

Айта кетейік, байқау жеңімпаздарын анықтау және марапаттау 23.04.2025 жылы Алматы қаласындағы «ҰОС ардагерлері, тыл еңбеккерлері және соғыс балалары кеңесі» қоғамдық қорының ұйымдастыруымен өтетін Жеңістің 80 жылдық және ардагерлердің 100 жылдығына арналған «Жеңімпаздар балы-2025» салтанатты шарасы барысында өткізіледі.

«Мейірім» еріктілер клубы