«Жаңа Қазақстанның басым құндылықтары: XX ғасыр мұғалімдерінің новаторлық идеяларынан білім берудегі заманауи инновацияларға» халықаралық ғылыми-практикалық конференция

2025 жылғы 25 сәуірде Абай атындағы Қазақ ұлттық педагогикалық университетінде Ұлы Жеңістің 80 жылдығына және КСРО Халық мұғалімі Құмаш Нұрғалиұлының 100 жылдығына орай «Жаңа Қазақстанның басым құндылықтары: XX ғасыр мұғалімдерінің новаторлық идеяларынан білім берудегі заманауи инновацияларға» атты халықаралық ғылыми-практикалық конференция өтті.

Конференцияның мақсаты - Қазақстанның қазіргі заманғы білім беру жүйесіндегі жаңашылдық пен инновацияны айқындап, Құмаш Нұрғалиұлының педагогикалық мұрасын зерттеу, оның ХХ ғасырдағы білім беру саласына қосқан үлесін жаңаша зерделеу болды.

Іс-шараға Абай атындағы ҚазҰПУ Басқарма төрағасы-ректор Болат Тілеп, Қазақстан Республикасы Парламенті Сенаты жанындағы Сенаторлар Кеңесі Төрағасының орынбасары, Қазақстан Республикасы Парламенті Сенатының депутаты (2013-2019), Қазақстан Республикасының Білім және ғылым министрі (2005-2007) Бірғаным Сариевна, - «Абай атындағы ҚазҰПУ» КеАҚ Директорлар кеңесінің Төрағасы, тарих ғылымдарының кандидаты Рахат Шимашева, «Қазақстанның Еңбек Ері» тұңғыш ұстаз-батыры және «Отан» орденінің иегері (2008), Қазақстанның еңбек сіңірген қайраткері, Қазақ КСР халық ағарту ісінің үздігі Аягүл Төреқызы, Қазақстан Республикасы Парламенті Мәжілісінің IV, V шақырылымдарының депутаты Светлана Ферхо, Санкт-Петербург мемлекеттік университетінің педагогика институтының директоры, Ресей білім академиясының корреспондент-мүшесі, педагогика ғылымдарының докторы, профессор Елена Казакова, педагогика ғылымдарының докторы, профессор, Я. Купала атындағы Гродно мемлекеттік университетінің педагогика кафедрасының меңгерушісі., мүше-корреспондент. Беларусь білім академиясы, халықаралық білім саласындағы ғалымдардың Еуропалық кеңесінің мүшесі Виктор Тарантей, Ресей білім академиясының академигі, педагогика ғылымдарының докторы, профессор, Ресей білім академиясының жалпы орта білім беру мүшесі Алла Тряпицына, Герцен А.И. атындағы Ресей мемлекеттік педагогикалық университетінің ғылыми жұмыстар және инновациялар жөніндегі проректоры, Ресей білім академиясының корреспондент-мүшесі, педагогика ғылымдарының докторы, профессор Cветлана Писарева, Ресей білім академиясының ғылыми орталығының директоры, Ресей білім академиясының корреспондент-мүшесі, педагогика ғылымдарының докторы, профессор Надежда Чекалева, Мәскеу қалалық педагогикалық университетінің (МПУ) Шет тілдер институты директорының орынбасары, педагогика ғылымдарының докторы, Ресей білім академиясының профессоры Татьяна Бокова, филология ғылымдарының кандидаты, Мәскеу қалалық педагогикалық университетінің шет тілдер институтының ағылшын тілі және лингводидактика кафедрасының доценті Наталья Чайковская, педагогика ғылымдарының кандидаты, Мәскеу қалалық педагогикалық университеті мемлекеттік автономды жоғары оқу орнының ағылшын тілі және лингводидактика кафедрасының доценті Кристина Ғабеева, Қазақстан педагогика ғылымдары академиясының президенті, педагогика ғылымдарының докторы, профессор, салыстырмалы білім беру қоғамы, Дүниежүзілік кеңесінің атқарушы комитетінің мүшесі Асқарбек Құсаинов, тарих ғылымдарының докторы, профессор, Ресей жаратылыстану ғылымдары академиясы мен «Интеллект Орда» халықаралық әлеуметтік-гуманитарлық зерттеулер интеграциясы институтының академигі, директоры Саттар Мажитов, Абылайхан атындағы ҚазХҚ ӘТУ педагогика және психология кафедрасының меңгерушісі, педагогика ғылымдарының докторы, профессор, Қазақстан ПҒА, Ресей ХПББҒА академигі Сақыпжамал Ұзақбаева, КСРО халық мұғалімі Құмаш Нұрғалиевтің қызы, Ұлттық ақпараттандыру орталығының экспрезиденті, педагогика ғылымдарының докторы, Қазақстан Ұлттық Жаратылыстану ғылымдары Академияның академигі, Абылай хан атындағы ҚазХҚ ӘТУ профессоры Гүл Нұрғалиева, Абай атындағы ҚазҰПУ-дың педагогика кафедрасының меңгерушісі, педагогика ғылымдарының кандидаты, доцент, профессор Шолпан Колумбаева, Абай атындағы ҚазҰПУ-дың педагогика кафедрасының профессоры, педагогика ғылымдарының докторы, профессор Қорлан Жампеисова қатысты.

Жиынның салтанатты ашылуында университет ректоры Қазақстан Республикасының Ғылым және жоғары білім министрі Саясат Нұрбектің құттықтау жеделхатын оқыды.

Құмаш Нұрғалиұлы - Ұлы Отан соғысының ардагері, КСРО Халық мұғалімі атағын алған алғашқы ұстаз, сондай-ақ, Қазақстанның білім беру жүйесіне зор үлес қосқан тұлға. Конференцияда оның ұстаздық қызметі мен педагогикалық көзқарастары қазіргі заман талабына сай білім беру процесіне қалай ықпал еткендігі туралы баяндалды.

Конференцияға қатысушылар XX ғасырдың ұлы мұғалімдерінің новаторлық идеялары мен білім берудегі заманауи инновациялар арасындағы байланысты зерттеп, білім беру жүйесіндегі реформаларды талқылады.

Сондай-ақ, жаңа Қазақстанның басым құндылықтары, атап айтқанда, инновациялық білім беру мен ұлттық педагогикалық мұраны жаңғырту тақырыптары кеңінен қарастырылды.