Еркін сабақ – еркін сөйлеуге жетелейді 

2025 жылғы 24 сәуірде Абай атындағы ҚазҰПУ қазақ тілі теориясы мен оқыту әдістемесі кафедрасының аға оқытушысы Қарлығаш Сейталиева («Қазақ тілін оқыту әдістері мен технологиялары» пәні бойынша) және педагогика ғылымдарының кандидаты Жанар Бектұрғанова («Қазақ тілі» пәні бойынша) ұйымдастырған тимбилдинг элементтерімен қазақ тілін оқыту сабағы жоғары деңгейде өтті.

Табиғат аясында өткен бұл сабақта түркімен студенттері мен қазақ тілі мен әдебиеті мамандығының 1 курс (үшжылдық) студенттері қазақ тілінде еркін сөйлесіп, бір-бірінен үйренді: біреулері сөйлеу дағдысын дамытса, енді біреулері тіл үйретудің түрлі әдістерін тиімді қолданды. Қазақ және түркімен топтары арасындағы тіл үйрену үдерісі қызықты әрі танымдық форматта өтті.