Абай университетінің Мансап орталығы «Ең үздік орталық» атанды

2025 жылғы 11-12 маусымда Өскемен қаласы С. Аманжолов атындағы Шығыс Қазақстан университетінде республикалық Мансап орталықтарының дәстүрлі форумы өтті.

Форумға ҚР ЖОО Мансап орталықтарының басшылары мен қызметкерлері, «Атамекен» ҰКП ШҚО филиалы, «Серпінді қолдау» өңірлік офисінің өкілдері қатысты.

Форумның мақсаты - мемлекеттік білім беру тапсырысы (соның ішінде «Серпін» жобасы) бойынша оқыған түлектердің грантты міндетті өтеу мәселелеріне тиімді тәсілдер мен шешімдерді әзірлеу; заңнаманы іске асырудың тәжірибелік тетіктерін талқылау, жоғары оқу орындарының (әсіресе педагогикалық бағыттағы) тәжірибе алмасуын қамтамасыз ету, сондай-ақ жас мамандарды қолдау және жұмысқа орналастыру саласындағы ынтымақтастықты нығайту.

Іс-шара барысында Абай атындағы ҚазҰПУ Мансап орталығының жетекшісі Рақымберді Жетібай «Университет пен жұмыс беруші: ортақ мақсат - тұрақты жұмыспен қамту және білікті маман даярлау» атты баяндама оқыды.

2024-2025 оқу жылының қорытынды нәтижесі бойынша ҚР Ғылым және жоғары білім министрлігі, «Қаржы орталығы» АҚ Абай атындағы Қазақ ұлттық педагогикалық университетінің Мансап орталығы республика бойынша «Ең үздік орталық» деп танылды.