Абай университетінде ғылыми-зерттеу конкурсының жеңімпаздары марапатталды

2025 жылдың 18 тамызында Абай атындағы Қазақ ұлттық педагогикалық университетінде студенттер мен магистранттардың ғылыми-зерттеу жұмыстарының жыл сайынғы республикалық конкурсының жеңімпаздарын марапаттау рәсімі өтті.

2024-2025 оқу жылында Абай университеті аталған конкурстың ІІ кезеңін 11 білім беру бағдарламасы бойынша базалық жоғары оқу орны ретінде танылды. Биылғы байқауға еліміздің 25 жоғары оқу орнынан 118 жас зерттеуші қатысып, олардың ғылыми жобаларын 41 сарапшы саралады. Оның ішінде 73 жұмыс бакалавриат, 45 жұмыс магистратура деңгейінде ұсынылды.

Нәтижесінде Қазақстан Республикасы Ғылым және жоғары білім министрінің І, ІІ және ІІІ дәрежелі дипломдарына 59 студент пен магистрант лайық деп танылды. Соның ішінде Абай университетінің 22 білім алушысы жүлдегер атанып, оқу орнының ғылыми әлеуетін тағы бір мәрте дәлелдеді. 4 қатысушы І дәрежелі, 10 қатысушы ІІ дәрежелі, 3 қатысушы ІІІ дәрежелі дипломға ие болса, 1 студент министрліктің Алғыс хатымен марапатталды.

Жеңімпаздарға марапаттарды Абай университетінің зерттеу қызметі және инновация жөніндегі проректоры Ертай Сұлтан салтанатты түрде табыс етті. Ол өз сөзінде студенттер мен магистранттардың ғылыми-зерттеу жұмыстарының маңыздылығына тоқталып, жас ғалымдарды ғылым жолында табандылықпен еңбек етуге шақырды. Марапаттау рәсіміне сондай-ақ Ғылым департаментінің өкілдері мен ғылыми жетекшілер қатысты.