БАСТАУЫШ ОҚЫТУ МАМАНДЫҒЫ СТУДЕНТТЕРІ NGS МЕКТЕБІНДЕ ДУАЛЬДЫ ОҚЫТУҒА ӨТТІ

2025 жылғы қыркүйек айында Абай атындағы ҚазҰПУ-дың «6B01308 - Бастауыш оқыту (IP)» мамандығының 1-курс студенттері New Generation School (NGS) инновациялық мектебінде дуальды оқытуды бастады.

Алғашқы ұйымдастыру кезеңінде студенттер мектепке барып, педагогикалық ұжыммен және инфрақұрылыммен танысты, сұхбат, бейне-презентация және тестілеуден өтті. Кездесу нәтижесінде студенттер кәсіби тәжірибесі туралы алғашқы әсерлерін алды. Кіріспе сынақтардан кейін келесі аптада тәлімгерлермен таныстыру жоспарланып отыр.

NGS мектебінің өкілдері - мектеп директоры Хисамутдинова Руфина Ринатовна, HR директоры Ким Ирина Евгеньевна, кадрларды оқыту және дамыту бойынша жетекші маман Еримичой Снежана Александровна, дуальды студенттердің тәлімгері және кураторы Бекмуратова Раушан Кадырбаевна, магистр, аға оқытушы Бекбаева Марьям Темиргиевна - кездесуге қатысты. Алдын ала онлайн-кездесуге және өндірістік оқыту жоспарын әзірлеуге кафедра профессоры, пед.ғ.к., кафедрадағы практиканы үйлестіруші Лебедева Лариса Анатольевна қосылды.

NGS мектебі жаңа лег студенттерін қабылдауға дайын екенін білдіріп, олардың кәсіби өсуіне барлық жағдайды жасауға ниетті екенін атап өтті. Келесі аптадан бастап 1-курс студенттері «өздерінің мектеп күні» форматында тұрақты түрде мектепке барып, оқу процесін бақылап, мұғалім-тәлімгерлердің басшылығымен тапсырмаларды орындайды.

Дуальды әріптестіктің табысты тәжірибесі ерекше атап өтіледі: 4-курс студенттері NGS мектебінде төртінші жыл өндірістік оқытудан өтіп жатыр, университеттегі сабақтарын мектептегі толыққанды тәжірибемен ұштастырып, мектеп тарапынан жалақы алады. Бұл тәжірибе дуальды модельдің болашақ педагогтардың кәсіби құзыреттілігін қалыптастыруда тиімді екенін дәлелдейді.

ҚазҰПУ мен NGS мектебінің бірлескен жұмысы тәжірибеге бағытталған білім берудің табысты дамуын көрсетіп, заманауи әдістемелер мен цифрлық технологияларды меңгерген жаңа буын мұғалімдерін даярлайды.

Дуальды оқытуға жауапты -

Абай атындағы ҚазҰПУ Бастауыш білім беру кафедрасының

профессоры Асель Акпаева