ҚАРЖЫ САЛАСЫНА БАЙЛАНЫСТЫ КЕЗДЕСУ ӨТТІ

2025 жылғы 4 қарашада Абай университетінде ҚР Қаржы нарығын реттеу және дамыту агенттігінің өкілдерімен ресми кездесу өтті. Іс-шара барысында университеттің Әлеуметтік даму жөніндегі проректоры Мақсат Жақауов пен мен ҚР Қаржы нарығын реттеу және дамыту агенттігінің Төраға орынбасары Олжас Кизатов өзара ынтымақтастық туралы меморандумға қол қойды.

Алаяқтардың «дәуірі» жүріп тұрған уақытта кез келген қоғам мүшесі үшін қаржылық сауаттылық аса қажет. Бүгінгі кездесудің басты мақсаты осындай қоғамда алаңдаушылық тудырған келеңсіздіктің алдын алуға бағатталған. Ақ көңіл де бейқам жүретін жастардың біліктілігін арттырып, алаяқтардың арбауына түсіп қалмауын қамқорлық жасау.

Екіжақты қол қойылған меморандум – білім беру мен қаржы секторы арасындағы байланыстарды нығайтуда, студенттердің қаржылық сауаттылығын арттыру және болашақ мамандарды даярлаудағы тәжірибелік бағытты күшейтуде бірлесе қимылдау тетіктерін қарастырады. Құжат аясында тараптар бірлескен оқу семинарлары мен тренингтер ұйымдастыруды, қаржы нарығының өзекті мәселелеріне арналған конференциялар өткізуді жоспарлап отыр.

Кездесу барысында проректор Мақсат Жақауов:

– Абай университеті мемлекеттік органдармен және жетекші салалық мекемелермен серіктестікті нығайтуға ерекше мән береді. Бұл меморандум студенттерге нақты қаржы нарығының жұмысымен танысып, практикалық білім мен дағды алуға жол ашады, – деп екі жақты ынтымақтастықтың стратегиялық маңыздылығын атап өтті.

Абай университеті мен ҚР Қаржы нарығын реттеу және дамыту агенттігі арасындағы байланыс студенттердің тәжірибелік білімін кеңейтуге және кәсіби әлеуетін дамытуға бағытталған серіктестіктің бастауы болады үміт басым. Бұл ынтымақтастық алдағы уақытта түрлі бағыттағы екіжақты әріптестікті нығайтуға қызмет етпек.

Абай атындағы ҚазҰПУ 

Баспасөз қызметі