Алматы қаласы мен облысының бастауыш сынып оқушылары арасындағы IV ғылыми жоба байқауының «Жас зерттеушілер мектебі» басталуы

2025 жылдың 1 желтоқсанында Абай атындағы Қазақ ұлттық педагогикалық университетінің Педагогика және психология факультеті, Бастауыш білім беру кафедрасы Алматы қаласы мен облысының бастауыш сынып оқушыларына арналған IV «Жас зерттеушілер мектебі» ғылыми жоба байқауының басталғанын хабарлайды.

Байқауға 1-4 сынып білім алушылары ерікті түрде қатыса алады. Қатысушылардан байқау Ережесінде көрсетілген талаптарға сәйкес дайындалған ғылыми-зерттеу жұмысы немесе жоба қабылданады.

Байқау екі жас санаты бойынша өткізіледі: 1-2 сыныптар, 3-4 сыныптар. Жұмыстар келесі пәндік бағыттар бойынша қабылданады:

пәндік жобалар мен зерттеулер: математика, орыс (қазақ, ағылшын) тілі, әдебиеттік оқу, бейнелеу өнері, еңбекке баулу, дене шынықтыру, музыка, дүниетану, жаратылыстану, цифрлық сауаттылық;
әлеуметтік жобалар.

Байқаудың негізгі мақсаттары мен міндеттері:
оқушылардың зияткерлік әлеуетін жан-жақты дамыту; оларды ғылым, техника, мәдениет салаларындағы зерттеушілік жұмыстарға тарту; ғылыми, жобалық және талдамалық дағдыларын қалыптастыру; оқу процесінде алған білімдерін тәжірибеде қолдануға мүмкіндік беру; зерттеушілікке бейім оқушыларға әдістемелік және ұйымдастырушылық қолдау көрсету.

Байқауға дайындықтың ұсынылған кезеңдері
10 қаңтар - 10 ақпан 2026 ж. - мектепішілік кезеңді өткізу және үздік жұмыстарды іріктеу.
10-20 ақпан 2026 ж. - қатысушылар жобаларын жетілдіре алады, ғылыми жетекшіден пікір алады және сыртқы рецензия рәсімдей алады.

Абай университетіндегі байқау кезеңдері
20 ақпан 2026 жылға дейін - жұмыстарды тіркеу анкетасы арқылы жүктеудің соңғы мерзімі.
20 ақпан - 20 наурыз 2026 ж. - сараптамалық комиссия жұмысы. Финалға жіберілетін жұмыстар анықталады.

Финал
2026 жылдың 11 сәуірінде, Ғылым күні - жобалардың ашық қорғауы және жеңімпаздарды марапаттау рәсімі (Абай университетінде). Финалистер 1-3 орын дипломдарын алады

Байқау Ережесі: https://drive.google.com/drive/folders/12kffdrNIoILHMBM3sSvGzo2XVfy63HRV?usp=

Жұмыстарды тіркеу анкетасы: https://forms.gle/P3sPEXZ6Vg8xRxbd7