АБАЙ УНИВЕРСИТЕТІНДЕ АЙТЫСКЕР АҚЫНДАРМЕН КЕЗДЕСУ ӨТТІ

2025 жылдың 23 қыркүйегінде Абай атындағы Қазақ ұлттық педагогикалық университетінің Хәкім Абай ұлттық тәрбие орталығының ұйымдастыруымен айтыскер ақындар Бұлғақов Жандарбек Айтақынұлы мен Әуезхан Сырым Асылханұлымен кездесу өтті.

Іс-шараға өлең жазып жүрген шығармашыл студенттер қатысып, ақындарға сұрақтар қойып, өздерінің өлеңдерін оқыды. Кездесу барысында болашақта атқарылатын бірлескен жұмыстардың жоспарлары талқыланды.

Абай университеті қазақ халқының төл өнері - айтыс пен жазба поэзияны дамытуға әрқашан қолдау көрсетіп, іргелі жұмыстарды жүзеге асыруды жалғастырады.