Абай университетінде 1-курс студенттеріне бейімдеу кездесуі өтті

2025 жылғы 3 қыркүйекте Абай атындағы ҚазҰПУ-да Дене шынықтыру және алғашқы әскери дайындық 1-курс студенттерімен бейімдеу кездесуі өтті.

Кездесу барысында студенттерге университеттің ішкі тәртіп ережесі, студенттік белсенділік бағыттары, академиялық саясаты мен психологиялық қолдау қызметтері таныстырылды.

Сондай-ақ Әлеуметтік және жастар саясаты жөніндегі департамент өкілдері түрлі бағыттағы түсіндірме жұмыстарын жүргізіп, студенттерге қажетті ақпарат берді.

Бұл шара жаңа буын студенттерінің университет қабырғасына тез бейімделуіне, оқу мен қоғамдық өмірдің барлық қырын меңгеруіне мүмкіндік жасады.

Айта кетейік, 1-курс студенттеріне арналған бейімдеу апталығы 3 қыркүйектен 10 қыркүйекке дейін жалғасады.

Жастар ісі жөніндегі бөлім