Студенттер мен магистранттарды жатақханамен қамтамасыз ету

Студенттер мен магистранттарды жатақханаларға орналастыру жұмыстары университет ректорының 2015 жылы 26 тамыздағы №01-05-131 бұйрығына сәйкес жүзеге асырылды.
Әр институтта студенттер мен магистранттарды жатақханаға орналастыру барысын әділетті, шынайы жүргізілуін қадағалайтын төмендегі құрамда арнайы комиссия құрылады:
а) Институт директоры, факультет деканы;
ә) Тәрбие басқармасының қызметкері;
б) Тәрбие ісі жөніндегі директор (декан) орынбасары;
в) Институт (факультет) Ардагерлер Кеңесінің төрағасы (төрайымы);
г) Институт (факультет) Қызметкерлер кәсіподағы ұйымы және Студенттік кәсіподақ комитетінің төрағасы (төрайымы);
д) Студенттік өзін-өзі басқару кеңесінің төрағасы (төрайымы);
е) Әр курстан бір белсенді студент (магистрант).

Студенттер мен магистранттарды жатақханаға орналастыруда төмендегі категорияларға басымдық берілсін:
а) мемлекеттік грант иегерлеріне;
ә) 1,2,3, топтағы мүгедектерге;
б) толық және жартылай жетімдерге;
в) оралмандарға;
г) көп балалы және толық емес отбасынан шыққандарға;
д) шалғай облыстардан келгендерге;
е) белсенділер мен оқу озаттарына;
ж) студенттік құрылыс жасағында жұмыс жасаған студенттерге.
Барлық жатақханаларда Студенттік кеңестері жұмыс жасайды. Аптасына бір рет Студенттік кеңес отырысы өткізіледі. Барлық жатақханаларда іс-шаралар жоспары бекітіліп, соған сәйкес шаралар кешені үздіксіз ұйымдастырылады.
Мереке күндері барлық жатақханаларда университет әкімшілігі мен профессор-оқытушылар құрамының кезекшілігі жүргізіледі.