қазақша · русский · english
   
  Негізгі бет / БАҚ біз туралы
04.06.2021

«Жас автор» республикалық әдеби-шығармашылық байқауы жарияланды

 


 

Абай атындағы Қазақ Ұлттық Педагогикалық университеті «Рухани жаңғыру - болашаққа бағдар» мемлекеттік бағдарламасының аясында, 2021 жылдың маусым айының 7-сі мен тамыздың 20-ы аралығында республикалық «Жас автор» әдеби-шығармашылық байқауын жариялайды.

 

Байқаудың мақсаты - отандық балалар әдебиетінің дамуына үлес қосып, прозалық жанрында қалам тербеткен жастардың әдеби шығармашылығын қолдау, кәсіби мамандануына мүмкіндік беру, өскелең ұрпақтың дүниетанымын, рухани білімін байыту.

 

Байқау Ережесіне сәйкес, байқауға Қазақстан Республикасының 18 бен 24 жас аралығындағы қатысушылар мемлекеттік тілде жазылған балаларға арналған әңгімелер мен новелла шығармаларын ағымдағы жылдың тамыз айының 20-сына дейін rukhany_zhangyru_kaznpu@mail.ru электронды поштасына «Жас автор» деген атаумен жолдайды.

 

Ал тамыз айының 26-сы күні жиналған барлық жұмыстар тәуелсіз қазылар алқасымен анықталып, қомақты жүлделі орындарын онлайн және оффлайн форматында салтанатты түрде марапаттайды.

 

Ең үздік әдеби шығармалар арнайы жинақ кітабына топталады. Аталған балалар әдебиетінің жинағы мектепке дейінгі және бастауыш сынып оқу бағдарламаларына және балалар кітапханаларына ұсынылатын болады.

 

(Қосымшада әдеби-шығармашылық байқаудың Ережесі ұсынылды).

 

Отандық балалар әдебиетін бірге қолдайық!

 

«Рухани жаңғыру» Орталығы

04.06.2021 ж.

Ақпарат көзі: halyqline.kz

 



315

Кері оралу