қазақша · русский · english
   
  Негізгі бет / БАҚ біз туралы
09.06.2021

Abai University әлемнің үздік ЖОО рейтингінде 50 орынға көтерілді

 

2021 жылғы 9 маусымда жоғары оқу орындарының «QS World University Rankings-2022» жаңа жаһандық рейтингі жарияланды. Бұл зерттеуді Британдық консалтинг Quacquarelli Symonds (QS) компаниясы жүзеге асырды. Осы рейтингтің қорытындысы бойынша Abai University 551-560 орынды иеленді және өткен жылмен салыстырғанда біздің университет 50 орынға көтерілді. Өткен жылы 601-650 орын алған болатын.

 

Рейтингті құру кезінде QS тобы әлемнің 93 елінен 1673-тен астам университеттің деректерін талдады. Рейтингке 1300 ЖОО кірді. Төмендегі критерийлер бойынша рейтинг жүргізілді:
- академиялық ортадағы беделі (40%);
- оқытушылар құрамының студенттер санына қатынасы (20%);
- жұмыс берушілер арасындағы беделі (10%), дәйексөз индексі (20%);
- шетелдік оқытушылардың (5%) және студенттердің (5%) үлесі.

 

Критерийлер бойынша бағалау көлемді деректерді талдау негізінде жасалды:
- құрастырушылар 14.7 миллионнан астам ғылыми жарияланымға талдау жасады;
- олар 96 миллионнан астам дәйексөздерді ескерді;
- 450 мыңнан астам жұмыс беруші мен академиялық қоғамдастықтың екі миллион өкілінен сауалнама алынды.

 

Abai University - әлемдегі ең үздік жоғары оқу орындарының жаһандық тізіміне енген Қазақстан мен ТМД-дағы алғашқы педагогикалық жоғары оқу орны және QS World University Rankings рейтингінде жыл сайын лайықты орын алып келеді.

 

QS рейтингінің өзі 2004 жылы Times Higher Education Британдық басылымымен бірлесіп әзірленді және жоғары оқу орындарының білім және ғылым саласындағы жетістіктері туралы деректерге негізделген арнайы әдістеме бойынша есептеледі.

 

Осылайша, біздің университет өзінің басты мақсатына тағы бір қадам жақындады - 2025 жылға қарай ТМД-да педагогикалық білім беру көшбасшысы болу, ТОП-400 Times Higher Education Impact Ranking; QS WUR/ THE WUR «Білім беру» ТОП-200 пәндік рейтингі; ТОП-400 QS WUR құрамына кіретін жаңа формациядағы педагогтар шеберханасына айналу.

 

Abai University ұжымының жемісті жұмысы бүгінгі жетістікпен қамтамасыз етіп қана қоймайды, болашаққа бағдар беріп, университетімізді ғана емес, бүкіл қазақстандық білімді нығайтуға күшін салады.

 

Abai University ұжымын жаңа жарқын жеңісімен құттықтаймыз!

 

QS WUR жаһандық рейтингісі туралы ақпаратты мына сілтеме бойынша табуға болады: https://www.topuniversities.com/universities/abai-kazakh-national-pedagogical-university

 

   

 

09.06.2021 ж.

Ақпарат көзі: almaty-akshamy.kz



303

Кері оралу