қазақша · русский · english
   
  Негізгі бет / БАҚ біз туралы
10.06.2021

Қазақстандық 14 жоғары оқу орны Quacquarelli Symonds World University Rankings халықаралық академиялық рейтингіне енді

 


QS WUR халықаралық академиялық рейтингіне енген қазақстандық жоғары оқу орындарының саны рекордтық деңгейді көрсетті.


QS WUR әлемдегі ең беделді рейтингтердің бірі болып табылады. Сондай-ақ биыл кейбір университеттер рейтингте бірнеше орынға көтеріліп, өз позицияларын нығайта түсті, деп хабарлады Almaty-akshamy.kz. ҚР Білім және ғылым министрлігіне сілтеме жасап.

 

Әл-Фараби атындағы Қазақ ұлттық университеті кезекті рет 175-орынға тұрақтап, әлемнің 200 үздік университетінің қатарына енді. Л.Н. Гумилев атындағы Еуразия ұлттық университеті 90 позицияға көтеріліп 328-орынды, ал Мұхтар Әуезов атындағы Оңтүстік Қазақстан университеті 482-орынды иеленіп, үздік 500 оқу орнының қатарынан көрінді. Сонымен қатар рейтингке Satbayev University, Қазақ ұлттық аграрлық зерттеу университеті, Абай атындағы Қазақ ұлттық педагогикалық университеті, С.Ж. Асфендияров атындағы Қазақ ұлттық медицина университеті кірді.

 

«Рейтинг тарихына көз жүгіртсек, биыл оның құрамына қазақстандық жоғары оқу орындарының рекордтық саны кірді. Рейтингке енгізілген 14 жоғары оқу орнының жетеуі соңғы жылы өз позицияларын жақсарта түсті. Бұл қазақстандық жоғары білімнің халықаралық деңгейдегі танымалдылығының арта түскендігін көрсетеді», - деп атап өтті ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев.

 

Жоғары оқу орындарының позицияларын есептеу кезінде рейтингте академиялық топтар мен жұмыс беруші ұйым өкілдерінен жиналған сауалнамалардың нәтижелері, сондай-ақ 2015 жылдан бастап 2019 жылға дейінгі кезеңдегі 14,7 миллион жарияланым ескерілгенін атап өткен жөн. Әлемдік рейтингтерде ілгерілеу - қазақстандық білім беру сапасының одан әрі жақсара түсуінің және университеттердің жоғары мәртебесінің айқын дәлелі болып табылады.

 

10.06.2021 ж.

Ақпарат көзі: almaty-akshamy.kz

 



155

Кері оралу