Қарттар күніне арналған іс-шара  

2024 жылдың 10 қазанында Абай атындағы ҚазҰПУ Дене шынықтыру және алғашқы әскери дайындық факультеті дене шынықтыру және спорт кафедрасының ұйымдастыруымен Мұхтар Әуезов стадионында жеңіл атлетикадан жарыс өтті. Іс-шара Қарттар күніне орай ұйымдастырылып, оған Алматы қаласының Медеу, Бостандық, Наурызбай, Алмалы, Түркісіб, Жетісу, Әуезов аудандарының қариялары қатысты. Сайыскерлер: ерлер-100 м., әйелдер-60 м., ұзындыққа секіру, секірмекпен секіру, доп лақтарудан өзара жарысты.

Іс-шараның мақсаты - үлгілі, дана, ардақты аға буынның өнегелі қасиеттерін өскелең ұрпақ арасында кеңінен насихаттау, сондай-ақ мейірімді және ізгі адамгершілік қасиеттерге тәрбиелеу.