Абай атындағы ҚазҰПУ оқытушысы оқыту семинар-тренинг өткізді

2024 жылғы 26-27 қарашада Манғыстау облысының Ақтау қаласында қабілеттерді диагностикалау әдістемесінің авторы, психология мамандығы бойынша философия докторы (PhD), Абай атындағы ҚазҰПУ «Жалпы және қолданбалы психология» кафедрасының аға оқытушысы Кудушева Нұрғайша Ахметжанқызы оқыту семинар-тренингін жүргізді.

«El Umiti» корпоративтік қорының «Qabilet» қызметі ұйымдастырған семинар-тренинг оқушылар сарайы базасында және «Облыстық отбасылық үлгідегі балалар ауылы» мемлекеттік мекемесінде өткізілді. Тыңдаушылар Ақтау қаласы мен Маңғыстау облысы аймағынан келген мектеп директорлары, әдіскерлері, мектеп педагог-психологтары болды.

Семинар-тренингтің мақсаты - білім беруші тұлғалардың кәсіби және эмоциялық қажуының алдын алу, олардың психологиялық денсаулығын жақсарту, әрі позитивті күй қалыптастыру болды. Семинар-тренингке қатысқан мамандар өткізілген іс-шараны нәтижесінде меңгерген тәжірибенің өздері үшін аса құнды әрі пайдалы болғанын, осы үлгідегі іс-шараларды тұрақты түрде өткізудің қажеттілігін атап көрсетті.