3 курс студенттерінің педагогикалық практикасы бойынша қорытынды конференция

2025 жылдың 18 ақпанында Педагогика және психология факультетінің жалпы және қолданбалы психология кафедрасы «6В03111-Практик-психологтарды даярлау» мамандығы бойынша орыс бөлімі 3 курс студенттерінің педагогикалық практикасының аяқталуына арналған қорытынды конференция өткізді. 3 курс студенттерінің педагогикалық практикасы Алматыдағы №35 гимназиясында және № 95 мектеп-лицейінде өткізілді. Педагогикалық практика әдіскерлері Жалпы және қолданбалы психология кафедрасының аға оқытушысы, психология ғылымдарының кандидаты Эльмира Әбішева болды.

Қорытынды конференцияға жалпы және қолданбалы психология кафедрасының меңгерушісі Гүлмира Ниетбаева, оқытушы-әдіскерлер Эльмира Абишева, Айша Надирбекова, Сәулет Тукебаева қатысты.

Педагогикалық іс-тәжірибеден өту барысында студенттер теориялық білімдерінің практикамен байланысын көрсетті және кәсіби дағдыларын шыңдады. Мектеп психологтары мен «6В03111-Практик-психологтарды даярлау» Білім беру бағдарламасының практика әдіскері студент-практиканттарға әдістемелік нұсқаулар беріп, іс-тәжірибеден өту үшін барлық қажетті жағдайларды дайындады. Студенттер бекітілген іс-тәжірибе жоспарына сәйкес оқушылармен диагностикалық, түзету, профилактикалық және дамыту жұмыстарын жүргізді.