Театр – Қазақстан мен Корея арасындағы достық көпірі

2025 жылдың 1 наурызында Шығыс филологиясы және аударма кафедрасының аға оқытушысы Н.С. Наммен бірге, «Ағылшын тілін меңгерген шығыс тілі (корей) тілі мұғалімі» мамандығының 3-курс студенттері Республикалық мемлекеттік академиялық корей театрына барып, «Өмір - бірліктің тарихы» атты қойылымын тамашалады.

Қойылымның негізгі тақырыбы - қазақ халқының өз жер аударылған бауырларына қиын-қыстау кезеңде қолдау көрсетіп, соңғы нанымен бөлісіп, жүрек жылуын сыйлағаны болды. Дәл осы достық Қазақстан мен Корея арасындағы берік байланыстың негізіне айналды.