Ұйғыр бөлімінің студенттеріне көмек көрсетілді

2025 жылғы 8 желтоқсанда Абай атындағы Қазақ ұлттық педагогикалық университетінде Шығыс филологиясы және аударма кафедрасының “6В01707 ұйғыр тілі мен әдебиеті, ағылшын тілі” мамандығы бойынша оқып жатқан 13 студентке Республикалық ұйғыр-этно мәдени орталығы тарапынан оқу ақысының 50% табысталды. Шараға қатысқан Шығыс филологиясы және аударма кафедрасының меңгерушісі, филология ғылымдарының кандидаты, доцент К. Х. Абдрахманова Республикалық ұйғыр-этно мәдени орталығы өкілдері М. Авамесимова, О.Нуғмановтарға студенттерге көрсетіп келе жатқан қолдаулары үшін алғыс білдірді. Өз кезегінде, Мизангүл Авамесимова студенттерге арнайы сертификат пен оқу ақысының 50% табыстай отырып, білім алып жатқан студенттерді қолдау Долқунтай Абдухалилов жетекшілігіндегі Республикалық ұйғыр-этно мәдени орталығының әлеуметтік жауапкершілігінің маңызды бөлігі екенін жеткізді.